ياعظيمه

موضوع: ياعظيمه الأحد أغسطس 29, 2010 5:00 am

ياعظيمة كل شي لـه حـدود ولـه نهايـه
لكن أنتي ماوقفتي عنـد حـدك ياعظيمـه

أستلذيتـي بطعناتـي وأخذتيهـا هـوايـة
كن مالك حربة ٍ توجـع وطعنـاتك أليمـة

اه ليتـك ماتماديتـي بطعـنـات iiبـدايـة
لين صار لكل طعنة في الحشا معنى وقيمـة

الله يبيحك ولكن كيف فـي أغـرب روايـة
تكتبين الحب كذبـة والهـوى دقـة قديمـة

وأنتي اللي كل ما لدت عيونك في المراية
مالمحتي لليتيـم اللي خـذت قلبـه يتيمـة

واليتيمة في اليتاما مالهـا حـق الوصايـة
الوصّيه عودها الغـض ونواياهـا السليمـة

لكن أنتي صار لك حق الوصايـة والولايـة
وإستبديتي بشد البدو وأضحيتـي مقيمـة

مارحلتي لين حطمتـي بمـا فيـه الكفايـة
عاقل حب الجنون وصوت نارك في هشيمة

أستبحتي حرمة المجنون بـإدراك وعنايـة
وإلتفي له بعقلك وإرتكزتـي فـي صميمـة

إمتلكتي غايتة لوكـان مالـه فيـك غايـة
وإنتصرتي في عيونه وإعترف لك بالهزيمة

من كثر مايعشقك ماقال لك في الحب رايـة
خايف الأيـام لا تطلـع عواقبهـا وخيمـة

في طريقك كل ماكنه لمس درب الهداية
تـاه ودرب الحيـاة المستقيمـة مستقيمـة

فدوتك مافات من الأيام والـي عـاد جايـة
يابعد عمر مخاسيـر معـد عنـدي غنيمـة

أنتي الفارع بقـد وجـد وأسمـاء وكنايـة
من عشق مثلك يجوز من الهوى وشداد ريمة

ليه لا وأنتي بحسنك في أدوات الحسن آيـة
لا ذهب لا ماس لا ياقوت لا أحجار كريمة

شاعر ٍ له مع الرايات في المرقاب راية
كل ماهبت هبوبـك فلّهـا قـدر وحشيمـة

سامحك من ألف باء الذنب إلى ماله نهايـة
وإستباحك عن خطاه وكل طقة بـك أليمـة

ويوم قلتي أعطني حريتـي أطلـق يدايـة
ماذخر عن وجهك إلاطعنتين فـي صميمـة

ضيدان بن قضعان
__________________

موضوع: رد: ياعظيمه الإثنين أغسطس 30, 2010 1:04 pm

ذووووووووووووووووووووووووووووووووووووووووووووووووووووووق العنكبوووووت صح اللساانك

موضوع: رد: ياعظيمه الإثنين أغسطس 30, 2010 10:16 pm

منبعك الذووووووووق يسلموو على المرور king

موضوع: فديتك قلبك الثلاثاء أغسطس 31, 2010 3:10 am

يالبيه فديت الذووووووووووووووووووووووووووووووووووووووووووووووووووووووووق

تقبل مروري قلبوو

موضوع: رد: ياعظيمه الأربعاء سبتمبر 01, 2010 12:13 am

تقبل مروري